کۆمسیۆنی باڵای هەڵبژاردنەکانی عیراق، پێنجشەممەی داهاتووی، وەک دوا وادە بۆ لایەنە سیاسیەکان دیاریکرد بۆ پێشکەشکردنی سکاڵاکانیان لەسەر ئەنجامی هەڵبژاردنەکانی ئەنجومەنی نوێنەرانی عیراق.

سەفا موسەوی، وتەبێژی کۆمسیۆنی باڵای هەڵبژاردنەکانی عیراق رایگەیاند: "رۆژی دووشەممەی داهاتووی، کۆمسیۆن ئەنجامی هەڵبژاردنەکان لە رۆژنامە رەسمییەکان بڵاو دەکاتەوە، کە بەپێی یاسا، دوایین رۆژی تایبەتە بە بڵاوکردنەوەی ئەنجامەکان".

وتیشی: "کۆمسیۆن ماوەی سێ رۆژی تر دەداتە لایەنە سیاسییەکان، بۆ پێشکەشکردنی سکاڵاکانیان لەسەر ئەنجامەکانی هەڵبژاردنی ئەنجومەنی نوێنەرانی عیراق و دوا وادە بۆ وەرگرتنی سکاڵاکان، رۆژی پێنجشەممەی داهاتووە".

وتەبێژی کۆمسیۆن ئاماژەی بەوەشکرد، دەستەی دادوەری لە ماوەی 10 رۆژدا، چاو بە سکاڵاکاندا دەخشێنێتەوە.