بەرپرسێكی شاری سلێمانی ڕایدەگەیەنێت، بەهۆی خەرجنەكردنی پارەی پێویست، ئەمساڵیش شەقامی 100 مەتریی سلێمانی تەواو ناكرێت.
ڕەمەزان نامیق كەریم، سەرۆكی لیژنەی پلان و پڕۆژەكان لە ئەنجومەنی پارێزگای سلێمانی لە ڕوونكردنەوەیەكدا رایگەیاندوە، ئەمڕۆ سەردانی شەقامی 100 مەتریی سلێمانییان كرد بە مەبەستی بەدواداچون بۆ ئیشوكارەكانی ناو پڕۆژەكە، بەڵام بەهۆی خەرجنەكردن و نەبونی پارەی پێویست لەلایەن حكومەتەوە پڕۆژەكە وەك پێویست كاری تێدا ناكرێت و تەنها 46%ی پڕۆژەكە تەواو كراوە و بۆ ئەمساڵیش ناتوانرێت شەقامەكە تەواو بكرێت.
ناوبراو دەڵێت، "چەندین زیادەڕەوی جۆراوجۆر لەناوچەی ( تاسڵوجە و تانجەرۆ ) لەبەردەم پڕۆژەكەدا هەیە و تائێستا لانەدراون و ڕێگرن لەبەردەم پڕۆژەكە."