بەمەبەستی گفتوگۆكردن لەسەر هەمواری یاسای هەڵبژاردن، بڕیارە سبەینێ لە شاری سلێمانی، یەكێتی نیشتمانی و پارتی دیموكرات و بزووتنەوەی گۆڕان و یەكگرتووی ئیسلامی و كۆمەڵی دادگەری كۆببنەوە.
بەپێی زانیارییەكانی (سپی)، ئەو كۆبوونەوەیە لەسەر ئاستی دەزگاكانی هەڵبژاردنی حیزبەكانە تیایدا تاوتوێی هەمواری یاسای هەڵبژاردنی پەرلەمانی كوردستان و كورسی كۆتاكان دەكرێت.
پێشتر هەردوو دەزگای هەڵبژاردنی یەكێتی و پارتی لەسەر هەمواری یاسای هەڵبژاردن كۆبوونەوە و لەسەر ئەنجامدانی هەڵبژاردن بەشێوەی فرە بازنە رێككەوتوون، بەڵام بۆ كورسی پێكهاتەكان و شێوازی دەنگدانی پێكهاتەكان ناكۆكن.