بەپێی خشتەی دابەشکردنی مووچەی دارایی هەرێم بێت، بڕیارە ئەم هەفتەیە مووچه‌ی چەند وەزارەتێک و شوێنێک دابه‌شبكرێت.
بەپێی ئەو خشتەیەی دارایی هەرێم بڵاویكردوەتەوە، سبەینێ یەکشەممە ٦ی ئابی ٢٠٢٣ مووچەی (یەکەی ٧٠ و ٨٠ سەر بە وەزارەتی پێشمەرگە و دارایی و ئابووری) دابەشدەکرێت.
ڕۆژی دووشەممەش وەزارەتی ناوخۆ و بەڕێوەبەرایەتی (دامودەزگا نەوتییەکان و ڕەگەزنامە هێزەکانی زێرەڤانی و بەرگری فریاکەوتن) مووچە وەردەگرن.
هەر بەپێی خشتەکەی دارایی هەرێم، ڕۆژی سێشەممە مووچەی (کاروباری شەهیدان و ئەنفالکراوان و پەروەردە و ئەنجوومەن و دەزگای ئاسایش) خەرجدەکرێت.
هەروەها ڕۆژی چوارشەممەش (کاروباری کۆمەڵایەتی و داد) مووچە وەردەگرن.
شەوی پێنجشەممەی ڕابردوو دارایی هەرێم لیستی دابەشکردنی مووچەی مانگی حوزەیرانی ئەمساڵی بڵاوکردەوە، بەڵام لە خشتەکە وادەی دابەشکردنی مووچەی وەزارەتی کارەبا و ڕۆشنبیری و شارەوانی و خوێندنی باڵا و خانەنشینانی پێشمەرگە و هەرسێ سەرۆکایەتیەکەی هەرێم دیارینەکراوە.