تەندروستی هەرێم لە ڕاگەیەندراوێکدا داوا لە وەزارەتی ناوخۆ دەکات رێککاری یاسایی بەرامبەر ئەو پەیجانە بگرنەبەر کە ریکلام بۆ مادەی جوانکاری و دەرمان دەکەن.
وەزارەتی تەندروستی هەرێم لە نووسراوێکدا داوا لە وەزارەتی ناوخۆ دەکات" سەرجەم ئەو پەیجانەی لە سۆشیال میدیا ڕیکلام بۆ گیادەرمان، ماددەی جوانكاری ڕووخسار و پێست و ڕواندنەوەی قژ، لەگەڵ بەهێزكردنی هەستە جنسیيەكان دەكەن، دابخرێن بەهۆی ئەوەی پێچەوانەی ڕێنماییەكانی وەزارەتی تەندروستییە".
لە نووسراوەکەی تەندروستی هەرێمدا ئەوەش هاتووە" ئەو پەیجانە دوورن لە پرەنسیپی دەرمانسازی و پزیشکی و زیان بە لایەنی تەندروستی مرۆڤ دەدەن و هەندێک کەس بە ناوی پزیشک و دەرمانسازەوە بازرگانی دەکەن".
ئەوەشخراوەتەڕوو، پێویستە ڕێكاری یاسایی بگيرێتە بەر دژی ئەو كەسانەی ئەو كارە دەكەن.