ئەمڕۆ چوار وەزارەت و هەشت دەستە مووچەی مانگی نیسان وەردەگرن.
بە پێی خشتەی وەزارەتی دارایی هەرێمی کوردستان، ئەمڕۆ پێنجشەممە، وەزارەتەکانی تەندروستی، کارو کاروباری کۆمەڵایەتی، دارایی و ناوخۆ مووچەی مانگی نیسان وەردەگرن.
هەر ئەمڕۆ مووچەی دەستەی مافی مرۆڤ، دەستپاکی، وەبەرهێنان، ژینگە، مین، ناوچەکانی دەرەوەی هەرێم، کۆمسیۆنی هەڵبژاردن و دیوانی چاودێری دارایی دابەش دەکرێت.
بڕیارە تا دووشەممەی داهاتوو دابەشکردنی مووچەی سەرجەم وەزارەتەکان، بەبێ پێشمەرگە و هێزە ئەمنییەکان کۆتایی بێت.