سەرۆكی لیژنەی پەروەردە لە یەكێتی مامۆستایان وردەكاری دابەشكردنی پارەی هاندانی مامۆستایان ئاشكرا دەكات.

ئەكبەر سدیق سەرۆكی لیژنەی پەروەردە لە یەكێتی مامۆستایان بە ماڵپەری فەرمی پارتی راگەیاندووە: هەموو پەروەردەكان لیستی ناوی مامۆستایانی خۆیان ئامادە كردووە و ئاراستەی وەزارەتی داراییان كردووە، رێنمایی پێویستیشی پێ دەرچووە و بڕیارە هەر لەم مانگەوە پارەی هاندانی مامۆستایان دابەش بكرێت.

سەرۆكی لیژنەی پەروەردە لە یەكێتی مامۆستایان وتیشی: لە هەرێمی كوردستان 126 هەزار مامۆستاهەیە، كە 70% لە ناو شارەكانن و 30% لە دەرەوەی شارن، مامۆستایانی ناو شار 100 هەزار دینار و ئەوانەی دەرەوەی شاریش 150 هەزار دیناریان پێ دەدرێت.

ئەكبەر سدیق جەختی لەوەشكردەوە پێدانی پارەی هاندانی مامۆستایان لەگەڵ لیستی موچە دابەش ناكرێت و بە لیستی جیا دەبێت.