لە سنوری پارێزگای هەولێر پارتی ژمارەیەك گۆڕانكاری ئیداری دەكات و هەر دوو پۆستی قایمقامی هەولێر و کۆیە گۆڕانی بەسەردا دێت.

لەمبارەیەوە كەنعان خەیلانی سەرۆكی فراكسیۆنی پارتی لە ئەنجوومەنی پارێزگای هەولێر دەڵێت کە گۆڕانكارییەكان چوار بەڕێوبەری گشتیی و دوو قایمقام دەگرێتەوە و ئێستە كارەكانیان تەواو بووە كە بەڕێوبەری گشتی پەروەردەی هەولێر و بەڕێوەبەری گشتی كاروباری كۆمەڵایەتی پارێزگای هەولێر و بەرێوەبەرایەتی گشتی شارەوانییەكانی هەولێر و بەڕێوەبەرایەتی كاروباری شەهید و ئەنفالكراوەكانی هەولێرن.

لە قۆناغی دوای ئەم گۆڕانكاریانەدا هەریەكە لە قایمقامی هەولێر بەوەكالەت و قایمقامی كۆیە بەوەكالەت دەگۆڕێن.