وەک هەڵوێست پێشاندانێک بەرامبەر ئەو لەشکرکێشیەی سوپای تورکیا دەیکاتە سەر شاری عفرین، میدیای کوردسات دراما تورکیەکانی راگرت.
لە راگەیەندراوێکدا کە میدیای کوردسات بڵاویکردۆتەوە تیایدا هاتووە " بههۆی ئهو زوڵم و ستهمهی لهلایهن سوپای توركیاوه بهرامبهر كوردانی خۆرئاوای كوردستان دهكرێت، دهزگای میدیای كوردسات بڕیاردا پهخشی سهرجهم دراما توركیهكان رابگرێت".
هەروەها لە راگەیاندنەکەدا هاتووە "سۆنگهی نهتهوایهیهتی و ههستكردن به بهرپرسیارێتی بهرامبهر بهو زوڵم و ستهمهی له كوردانی خۆرئاوا دهكرێت، دهزگای میدیای كوردسات بهداوای لێبوردنهوه له بنهرانی وهك یهكهمین كهناڵی كوردی، بڕیاریدا بهڕاگرتنی درامای "ئهزهل" و سهرجهم دراما توركییهكان له كهناڵی كوردسات".
کوردسات، ئاماژە ببۆ ئەوە دەکات" ئهوهش لهكاتێكدایه سوپای توركیا ئۆپراسیۆنێكی بۆسهر كانتۆنی عهفرین و كوردانی خۆرئاوا دهستپێكردووه رۆژانه چهندین هاووڵاتی مهدهنی بێتاوان بههۆی بۆردومانی تۆپخانه و فرۆكهجهنگییهكانی توركیاوه شههید و بریندار دهبن".