كچێك به‌هۆی كێشه‌ی كۆمه‌ڵایه‌تییه‌وه‌ به‌ ده‌ستی براكه‌ی كوژرا

‌

لە ڕاگەیەندراوێکدا رێکخراوی هەنگاو بۆ مافەکانی مرۆڤ ئاشکرایکرد" لە شاری سەرپێڵی زەهاوی سەر بە پارێزگای کرماشان، کچێکی ته‌مه‌ن ٢٠ ساڵان به‌هۆی كێشه‌ی كۆمه‌ڵایه‌تییه‌وه‌ بە دەستی براکەی کوژرا".
 
رێكخراوى هەنگاو بۆ مافى مرۆڤ كه‌ ماوه‌ى چه‌ندین ساڵه‌ چاودێرى ره‌وشى مافى مرۆڤ له‌ خۆرهه‌ڵاتى كوردستان ده‌كات، له‌ راپۆرتێكیدا ئاشکرایکردووە" بەرەبەیانی رۆژی دووشەممە ٣٠ی ئازاری ٢٠٢٠، کچێکی لاوی خەڵکی سەرپێڵی زەهاو لە گەڕەکی تازاوای ئەو شارە بە دەست براکەی کوژرا".

به‌پێی راپۆرتی هه‌نگاو، ناسنامەی ئەو کچە تەمەن ٢٠ ساڵانە (پەروانە پاڵانی) بووه‌ کە بە دەستی براکەی له‌ ژێر ناوی پاراستنی شه‌ره‌ف خنکێندراوە.
 


PM:03:19:31/03/2020








ئەستێرەکان

Spee Media