ژەمی پارشێو لە مانگی ڕەمەزاندا بایەخێکی تایبەتی هەیە، هەر بۆیە لە پارشێودا ژەمێک نان دەخورێت بۆ ئەوەی لە ڕۆژدا هەست بە تینوێتی و برسێتی نەکەن.
پسپۆرانی بواری خۆراک، باشترین جۆری خۆراک بۆ ژەمی پارشێو لە ڕەمەزاندا بۆ ئەوەی تەندروستی لەشت گونجاو بێت و هەم کێشیش زیاد نەکات و کاریگەری سلبی نەبێت ئەمانە دەستنیشان دەکات.
ئەو خواردنانەی دەوڵەمەندن بە پڕۆتین و سەرچاوەی سەرەکین وەک هێلکە و پەنیری کەم چەوری و پاقلەی فولی سودانی و جۆرەکانی، چونکە بۆ ماوەیەکی زۆر تێر دەکات و وزە دەدات بە لەشت، بەڵام هێلەک بە کوڵاوی باشترە.
ئەو خواردنانەی سەرچاوەی سەرەکی ماددەی ڕیشاڵیەکان و کاربۆهێدراتی تەندروستن، چونکە بۆ ماوەیەکی زۆر هەستی تێریت پێ دەبەخشێت و کەمێک درەنگ هەرس دەبێت وەک شۆڤان و نانی بۆر و بقولیاتەکانی وەک نیسک و پاقلە.
ماست باشترین ژەمی پارشێوە، چونکە دەوڵەمەندە بە کالسیۆم و پڕۆتین و ڤیتامین، هاوکات بەکتریای سودبەخش لە گەدەدا دروست دەکات کە بۆ کرداری هەرس بەسوودە و یارمەتی دەدات زوو تینوو نەبیت.
سەوزەوات بەهۆی ئەوەی بڕێکی زۆر ئاوی تێدایە یارمەتی لەش دەدات و قەرەبووی ئەو شلەمەنیەی لەش دەدات کە لە کاتی ڕۆژوودا دەڕوات، هاوکات ڕێگا نادات قەبز بیت وەک خەیار و تەماتە و کاهو.