تەندروستی هەرێم ڕایدەگەیەنێت" لە ساڵی ٢٠٢٠ لە هەرێمی كوردستان ٦٢٩٣ توشبووی شێرپەنچە تۆماركراوە".
وەزارەتی تەندروستی حکومەتی هەرێمی کوردستان لە ڕاگەیەندراوێکدا ئاماژەی بەوەکردووە" لە ساڵی ٢٠٢٠ لە هەرێمی كوردستان ٦٢٩٣ توشبووی شێرپەنچە تۆماركراوە بە بەراورد لەگەڵ ساڵی ٢٠١٩ كە ٧٨٣١ تۆماری نەخۆشی شێرپەنچە هەبووە ، كەمبونەوەی رێژەی توشبوون لە ساڵی٢٠٢٠ بە بەراورد بە ساڵی ٢٠١٩ دەگەڕێتەوە بۆ چەند هۆكارێك و گرنگترینیان كەمبونەوەی رێژەی تۆماركراوان، كە لە ناوەراست و خوارووی عیراق لە هەرێمی كوردستان تۆماردەكران ئەمەش بەهۆی بڵاوبوونەوەی نەخۆشی ڤایرۆسی كۆرۆنا و كەمبوونەوەی ژمارەی ئاوارەكان لە هەرێمی كوردستان".
لە ڕاگەیەنراوەكەدا هاتووە، شێرپەنچەی مەمك زۆرترینە بە رێژەی ١٨.٥٨% و رێژەی تووشبوونیش لە رەگەزی مێ زیاترە لە رەگەزی نێر بە جۆرێك، كە ژن ٥١.٨٦% و پیاو ٤٨.٥٩% تووشدەبن.
دەقی ڕاگەیەندراوەکە:
جیهان یادی رۆژی جیهانی بەرەنگاربوونەوەی نەخۆشی شێرپەنچە دەكاتەوە :
لە ٤ ی فێبرایەری هەموو ساڵێك لە سەرتاسەری جیهان یادی رۆژی جیهانی بەرەنگاربوونەوەی نەخۆشی شێرپەنچە دەكرێتەوە كە تیایدا چەندین چالاكی جۆراوجۆر ئەنجام دەدرێت بۆ پشتیوانیكردنی تووشبوانی شێرپەنچە و چۆنیەتی خۆپاراستن و زوو دەستنیشانكردنی نەخۆشیەكە .. بە پێی راپۆرتەكانی رێكخراوی تەندروستی جیهانی شێرپەنچە بە دووەم هۆكاری مردن دادەندرێت لە هەموو جیهان بە جۆرێك ١ لە هەر شەش مردوو بەهۆی شێرپەنچەیە ، وە هەمان سەرچاوە ئاماژە بەوە دەكات كە ساڵانە لە نێوان ٧ بۆ ١٠ ملیۆن كەس بە نەخۆشی شێرپەنچە كۆچی دوایی دەكەن و نزیكەی ٢٠ ملیۆن كەسیش بە نەخۆشیەكە تۆماردەكرێن . لە هەرێمی كوردستانیش ساڵانە ئەم یادە بە هەند وەردەگیرێ لەلایەن وەزارەتی تەندروستی حكومەتی هەرێمی كوردستان بۆ پشتیوانیكردنی تووشبوان ، هەر لەو رۆژەدا چەندین هەڵمەتی هۆشیاری بڵاودەكرێتەوە بۆ خۆپاراستن لەم نەخۆشیە و زوو دەستنیشانكردنی كە هۆیەكی سەرەكیە بۆ كەمكردنەوەی ژمارەی توشبوان و مردووان بەم نەخۆشیە ..
لە ساڵی ٢٠٢٠ لە هەرێمی كوردستان ٦٢٩٣ توشبووی شێرپەنچە تۆماركراوە بە بەراورد لەگەڵ ساڵی ٢٠١٩ كە ٧٨٣١ تۆماری نەخۆشی شێرپەنچە هەبووە ، كەمبونەوەی رێژەی توشبوون لە ساڵی٢٠٢٠ بە بەراورد بە ساڵی ٢٠١٩ دەگەڕێتەوە بۆ چەند هۆكارێك و گرنگترینیان كەمبونەوەی رێژەی تۆماركراوان كە لە ناوەراست و خوارووی عیراق لە هەرێمی كوردستان تۆماردەكران ئەمەش بەهۆی بڵاوبوونەوەی نەخۆشی ڤایرۆسی كۆرۆنا و كەمبوونەوەی ژمارەی ئاوارەكان لە هەرێمی كوردستان . شێرپەنچەی مەمك زۆرترینە بە رێژەی ١٨.٥٨% و رێژەی تووشبوونیش لە رەگەزی مێ زیاترە لە رەگەزی نێر بە جۆرێك :
ژن ٥١.٨٦%
پیاو ٤٨.٥٩%
وەزارەتی تەندروستی