ڤیان دەخیل وتەبێژی بارەگای بارزانی لە كاندیدكردنی بۆ پۆستی یەكێك لە باڵیۆزەكانی عێراق كشایەوە.
لە روونکردنەوەیەک لە ئەکاونتی خۆی لە تۆڕی کۆمەڵایەتی فەیسبووک، ڤیان دەخیل، وتەبێژی بارەگای بارزانی دەڵێت" پێزانین و ڕێزی زۆرم هەیە بۆ متمانەی سەركردایەتی پارتی، كە كاندیدیان كردوم بۆ ئەوەی ببمە یەكێك لە باڵیۆزانی كۆماری عێراق".
ڤیان دەخیل دەشڵێت " لە كاندیدكردنم كشامەوە، چونكە حەزدەكەم لە كارەكەی ئێستامدا وەك وتەبێژی بارەگای بارزانی و كاركردن لەگەڵ مەسعود بارزانی بەردەوام بم".
ڤیان دەخیل لەگەڵ ژمارەیەک بەرپرسی تری پارتی و یەکێتی پێشنیارکراوە بۆ وەرگرتنی کۆمەڵێک پۆست لە باڵوێزخانە و قونسڵیەکانی وەزارەتی دەرەوەی عێراق.