بۆ هێرشکردنە سەر چەکدارانی داعش لە گوندەکانی شاری حەسەکە لە رۆژئاوای کوردستان، هێزەکانی ئەمەریکا بەهاوکاری هەسەدە بەرەبەیانی هەینی هێز لە رێگای ئاسمانەوە دادەبەزێنن.
رۆژنامەی " شەرق ئەوسەت " بڵاویکردۆتەوە" کۆپتەرە سەربازییەکانی هاوپەیمانان لە نزیک گونی ( عب ئەلتین ) لە گوندەکانی حەسەکە هێرشیان کردە سەر ماڵی سەرکردەی داعش ئیبراهیم، ناسراو بە ئوسامە کە فەرماندەی هێزەکانی بادییەی داعشەو شوناسی عێراقییە، لە کاتی دابەزاندنی هێزەکەدا شەرێکی قورس روویدا و لە ئەنجامدا ئەو فەرماندەیەی داعش کوژرا.
ئوسامە کە فەرماندەکەی داعشە، لە ساڵی ٢٠١٤ ەوە بەشداری چەندان شەڕی گەورەی لەریزەکانی داعش دا لە سوریاو عێراقدا کردووە.
( هەسەدە ) ش لەلایە خۆیەوە لە راگەیاندنێکدا ئاشکرای کرد کە هێزە تایبەتەکانیان لە سەرەتای ئەم مانگە ٩ کەسی چالاکی سەر بە داعشیان لەناوچەکانی رەقە و حەسەکەو دیرەزوور دەستگیرکردووە کە بەشداربوون لە هێرشەکانی سەر هێزەکانی هاوپەیمانان و هەسەدەو بەڕێوەبەری خۆسەر.