سەرۆکی هەرێمی کوردستان ئەمڕۆ سێشەممە ١١ی ئایار لەبارەی خۆپیشاندانەکانی عێراق پەیامێکی بڵاوکردەوە و ڕایدەگەیەنێت" بە ئامانجکردنی خۆپێشاندەران لە عێراق دۆخەکە ئاڵۆزتر دەکات".
نێچیرڤان بارزانی، سەرۆکی هەرێمی کوردستان لەپەیامێکدا لەپەڕەی فەرمی خۆی لەتویتەر ئاماژەی بەوەشكردوە" بەنیگەرانییەوە لەبەردەوامی هەڕەشەکان، دوبارەبونەوەی روداوەکانی بەئامانجگرتن و دەستدرێژیکردنەسەر خۆپیشاندەرانی عێراق دەڕوانن و ئیدانەی دەکەن".
ئەوەشی خستەڕوو، بەردەوامی روداوەکانی بەئامانجگرتنی خۆپیشاندەران گرژییەکان زیاتر و دۆخی وڵاتیش ئاڵۆزتر دەکات، لەسەر ئەو بنەمایەش پێویستە سنورێک بۆ ئەو هەوڵانە دابنرێت و تۆمەتباران روبەڕوی رێکاری یاسایی و دادگاییکردن بکرێنەوە.