لەناوچە شاخاویەکانی هەرێم پێشبینی هەورە برووسکەو تاوە باران دەکرێت.
ئاراس جەبار، شارەزای بواری کەشناسی ڕایگەیاند، " سبەینێ ھەینی ئاسمان و کەشی ھەرێم بە زۆری ساماڵ و پەڵە ھەوری دەبێت و پلەی گەرما بەجێگیری دەمێنێتەوە".
ئەو کەشناسە دەشڵێت " لەناوچە سنوریەکانی رۆژھەڵات و باکوری سلێمانی، ھەڵەبجە ، راپەرین و ھەولێر لە کاتەکانی دوای نیوەرۆ پێشبینی چالاکبوونی بارستە ھەوری خۆجێیی دەکەین بە شێوەی ھەورەبروسکە و تاوەباران بە رێژەی جیاجیا لەھەندێک ناوچەدا".
باس لەوەش دەکات " خێرایی ئاراستە بای باکور و باکوری رۆژھەڵات چالاک دەبێت بەخێرای ١٥ بۆ ٣٠ کیلۆمەتر لە کاتژمێرێکدا بەتایبەت لەکاتەکانی بەیانی زوودا وە کاتەکانی ئێوارە و شەو."