بەپێی ڕاگەیەنراوێکی حکومەتی هەرێمی کورددستان، لەسەر فەرمانی مەسرور بارزانی، سەرۆکی حکومەتی هەرێمی کوردستان بڕیار درا مانگانە بڕی ملیارێک و 600 ملیۆن دینار بۆ نەخۆشخانەکانی تایبەت بە چارەسەرکردنی تووشبووانی شێرپەنجە لە هەرێمی کوردستان خەرج بکرێت، بۆ کڕینی دەرمان و دابینکردنی ئامێر و تاقیگە و پێداویستییە پزییشکییەکانی تر.  

ئاماژەی بەوەشکردووە، بەپێی نوسراوی ژ7291 کە ئەمڕۆ یەکشەممە (20ی حوزەیرانی 2021) بە واژۆی د.ئومێد سەباح، سەرۆکی دیوانی ئەنجومەنی وەزیران دەرچووە و ئاڕاستەی وەزارەتی دارایی وئابووری کراوە، وردەکاری ڕەزامەندی خەرجکردنی بڕی پارەکە بۆ نەخۆشخانەکانی نانەکەلی، ڕزگاری (هەولێر)، هیوا (سلێمانی)، ئازادی (دهۆک).  

باسی لەوەشکردووە، هەروەها بەپێی نووسراوی ژ 7293 لە 20ی حوزەیران، سەرۆکی حکومەت ڕەزامەندی لە سەر خەرجکردنی ملیارێک و 27 ملیۆن شەسەد هەزار دیناری مانگانە دا لە بری نۆڕینگە (بدل عیادە) کە لە نوسراوەکەی سەرۆکی دیوان وردەکاری خەرجکردنەکەی ڕوونکراوەتەوە.