سەنتەری میترۆ رایدەگەیەنێت" رۆژنامەنوسان هەرەشە نین بۆ سەر سەقامگیری و هەموو جۆرە هەڕەشەو و رێگرییەك بۆ سەر ئازادی كارەكانیان سەركۆنە دەكەین".
سەنتەری میترۆ بۆ داكۆكی كردن له مافی ڕۆژنامهنوسان لەبارەی گرژییەکانی شەوی ڕابردووی سلێمانی ڕاگەیەندراوێکی بڵاوکردەوە و ئاماژەی بەوەكردووه" رۆژنامەنوسان هەرەشە نین بۆ سەر سەقامگیری و ئارامی شاری سلێمانی تا هێزی ئەمنی و هێزی نەناسراو بە زەبروزەنگ مامەڵەیان لەگەڵدا بكەن، ئەوەی هەرشەن بۆ سەر سەقامگیری ئەو هێزانەن كە تەقە لە هێزی رەسمی دەكەن و باكیان نییە بە یاسا".
ئەوەش خراوەتەڕوو، هەموو جۆر هەرەشەو و رێگرییەك بۆ سەر ئازادی كاری رۆژنامەنوسی سەركۆنە دەكەین و داوا لە سەرۆكی لیژنەی ئەمنی شاری سلێمانی دەكەین هەموو كەلوپەلی رۆژنامەنوسان بگەرێننەوە، لێپرسینەوە لە لایەنی پێشێلكار بكەن.
سەنتەری میترۆ لە ئابی 2009 بە هەوڵی كۆمەڵێك رۆژنامەنوس و بەرگریكاری مافی مرۆڤەوە، بە هاوكاری رێكخراوی پەیمانگای رۆژنامەنوسانی جەنگو ئاشتی IWPR ی ئەمریكی دامەزاروە، بە ئامانجی چاودێری رەوشی ئازادی رۆژنامەنوسیی لە هەرێمی كوردستانی عێراق.