ئەمڕۆ شەممە كهشناسی ههرێم پلهكانی گهرمای بۆ رۆژانی جهژنی قوربان بڵاوكردهوه و رایگهیاند" له كهركوك و گهرمیان پلهكانی گهرما بهرزدهبنهوه بۆ 51 پلهی سهدی".
بەڕێوەبەرایەتی گشتی كەشناسی و بوومەلەرزەی هەرێمی کوردستان لە ڕاپۆرتێكدا ئاماژەی بەوەكردووە" ڕۆژی دوو شەممە كاریگەری نزمە پاڵەپەستۆی گەرمی ساڵانە لەسەر هەرێمی كوردستان زیاتر دەبێت، كە دەبێتە هۆی بەرزبوونەوەی زیاتری پلەكانی گەرما و لەڕۆژانی سێشەممە و چوارشەممە دەگاته بەرزترین پلە".
ڕاشیگەیاندووە" ئێوارەی ڕۆژی چوار شەممە خێرایی با چالاك دەبێت و ئەگەری بەرزبوونەوەی تۆز و خۆڵێكی سووك هەیە".
هەر بەپێی پێشبینییەکانی کەشناسی هەرێم، لە سەنتەری شاری هەولێر لەنێوان 46 – 48 پلە دەبێت و لەسەنتەری شارەكانی سلێمانی و دهۆك و هەڵەبجە 44 – 46 پلە دەبێت و لەشاری كەركوك و ناوچەكانی گەرمیان 47 – 51 پلە دەبێت.