سەرۆک وەزیرانی عێراق رایدەگەیەنێت" ئەو کەسانەی کە لە رۆژی عەرەفەدا تەقینەوەیەکیان لە ناوچەی سەدر ئەنجامدابوو دەستگیرکران".
مستەفا کازمی سەرۆک وەزیرانی عێراق لە تویتێکدا بە هەر سێ زمانی عەرەبی، کوردی و ئینگلیزی نوسیویەتی" فرمێسك و ژانە دڵی خێزانی شەهیدانی شارۆچكەی سەدر رێنیشاندەرمان بوون بۆ دەستگیركردنی ئەو تۆڕە تیرۆریستییە ترسنۆكانەی كە پلانداڕێژەر و جێبەجێكەری هێرشە تیرۆریستییەكەی "بازاڕی الوحیلات" بوون".
ئاماژەی بەوەشکرد، سەرجەمیان ڕووبەڕووی دادگا و گەل دەكرێنەوە و دەبنە پەند بۆ هەموو دەستدرێژیكەرێكی تاوانبار.'
ئەمەش لەکاتێکدایە، ئێوارەی ڕۆژی دووشەممە ١٩ی تەمووزی ٢٠٢١ تەقینەوەیەکی خۆکوژی لە بازاڕێکی قەرەباڵغی گەڕەکی سەدری شاری بەغدا ڕوویدا، بەهۆی تەقینەوەکە ٣٥ کەس کوژران و زیاتر له ٦٠ كهسی دیكهش برینداربوون.