زانكۆی سلێمانی فۆڕم و مەرجەكانی وەرگرتنی بۆ خوێندكارانی ١٢ی ئامادەیی و دەرچووانی پەیمانگای هونەرە جوانەكان بڵاوکردەوە.
كۆلێجی پەروەردەی بنەڕەت لە زانكۆی سلێمانی لە ڕاگەیەنراوێكدا ئاماژەی بەوەكردووە، خوێندكارانی پۆلی (١٢)ی ئامادەیی (خولی یەكەم و دووەم) و پەیمانگای هونەرە جوانەكان لە خوێندنی بەیانیان و ئێواران دەتوانن فۆڕمی وەرگرتن پڕبكەنەوە لە بەشی پەروەردەی هونەری كۆلێجی پەروەردەی بنەڕەتی زانكۆی سلێمانی.
باسی لەوەشکردووە، پڕكردنەوەی فۆڕمەكە دەستپێدەكات لە ڕێكەوتی ٢٢ی ئاب تاوەكو ٩ی ئەیلول و بۆ ئەوەش سەردانی بەشی پەروەردەی هونەری بكەن یاخود لە هەژماری فەیسبووكی كۆلێج فۆڕمەكە داونلۆد بكەن و بە پڕكراوەیی بیگەڕێننەوە بۆ بەشی پەروەردەی هونەر.