هاوپەیمانی کوردستان کە لە یەکێتی و گۆران پێکهاتووە، هەڵمەتی هەڵبژاردنی بۆ ٢٤ کاتژمێر راگرت.
لە راگەیاندراوێکدا کە لە سەرۆکایەتی هاوپەیمانی کوردستانەوە دەرچووە، ئاماژە بۆ ئەوە دەکات " بەبۆنەی چوارەمین ساڵیادی ماڵئاویی سەرۆک مام جەلال، سەرۆکایەتی هاوپەیمانی کوردستان بڕیاریدا بۆ ماوەی ٢٤ کاتژمێر لە سەرتاسەری کوردستان هەڵمەتی بانگەشەی هەڵبژاردن رابگرێت".
لەو راگەیاندنەدا داوا لە کاندیدەکانی هاوپەیمانی کوردستان و هەموو کادر و هەڵسوڕاوانی یەکێتی نیشتمانی کوردستان و بزووتنەوەی گۆڕان دەکات لە کاتژمێر ١٢ی ئەمشەوەوە بۆ ماوەی ٢٤ کاتژمێر هەموو چالاکییەکی بانگەشەی هەڵبژاردن رابگرن.
داواش لە میدیا و کەناڵەکانی راگەیاندنی یەکێتی و گۆڕان دەکەن لە ماوەی دیاریکراودا لە جیاتی رووماڵی بانگەشەی هەڵبژاردن، " بەرنامەکانیان تەرخان بکەن بۆ باسکردن لە ژیان و خەبات و تێکۆشانی سەرۆک مام جەلال و هەڤاڵە تێکۆشەرەکانی و لەسەرووی هەمووشیانەوە سەرکردەی مەزن رەوانشاد کاک نەوشیروان مستەفا.