محەمەد حاجی مەحمود لە پەیامێکیدا وەڵامی حەیدەر عەبادی سەرۆک وەزیرانی پێشووی عێراق دەداتەوە و دەڵێت" مایەی سەرسوڕمان ئەوەیە کێ لاپەڕە ڕەشەکانی خۆی هەڵدەداتەوە و شانازی بە تاوانە قێزەونەکانیەوە دەکات".
محەمەد حاجی مەحمود سکرتێری حزبی سۆسیالیست دیموکراتی کوردستان لە ڕاگەیەندراوێکدا ئاماژەی بەوەکردووە" هەندێ جار وا پێویست دەکات ئاوڕێ لە ڕابردوو بدەینەوە، تاوەکو بۆ ئێستاو داهاتومان سودی لێوەربگرین، بەڵام ئەوەی مایەی سەرسوڕمانە ئەوەیە کێ لاپەڕە ڕەشەکانی خۆی هەڵدەداتەوە و شانازی بە تاوانە قێزەونەکانیەوە دەکات، ئەویش (عەبادی مجریم) ە یادی 16ی ئۆکتۆبەر دەکاتەوە و وەک پاڵەوانی عەرەب، خۆی نیشان دەدات بە شانازیەوه باسی دەکات".
باسی لەوەشکردووە: له دوای ڕوخاندنی ڕژێمی سەدام حسێن عەبادی عێراقی لەبەریەک هەڵوەشاند و وەجاخی عەلی حەسەن مەجید و سەدام-ی رۆشن کردەوە، گەوڕەتڕین تاوانێک لە دوای رژێمەکانی عیراقەوە ئەنجام درابێ عەبادی پەروەردەی دەستی ئینگلیزەکان و بەریتانیا، ڕووی تاوان بارانی سەرانی یەک لە دوای یەکی عیراق یان سپی کردووە و پەلاماری هەرێمی کوردستانیان داو دەیان پێشمەرگەیان شەهید و بریندار کرد.
دەقی پەیامەکەی محەمەد حاجی مەحمود:
کێ ڕووی ڕژێمەکەی سەدامی لە ئێستادا سپی کردەوە..؟
هەندێ جار وا پێویست دەکات ئاوڕێ لە ڕابردوو بدەینەوە، تاوەکو بۆ ئێستاو داهاتومان سودی لێوەربگرین، بەڵام ئەوەی مایەی سەرسوڕمانە ئەوەیە کێ لاپەڕە ڕەشەکانی خۆی هەڵدەداتەوەو شانازی بە تاوانە قێزەونەکانیەوە دەکات، ئەویش (عەبادی مجریم) ە یادی ۱٦ ی ئۆکتۆبەر دەکاتەوەو وەک پاڵەوانی عەرەب، خۆی نیشان دەدات بە شانازیەوه باسی دەکات.
له دوای ڕوخاندنی ڕژێمی سەدام حسێن (عەبادی) عیراقی لەبەریەک هەڵوەشاند و وەجاخی عەلی حەسەن مەجید و سەدام ی روشن کردەوە، گەوڕەتڕین تاوانێک لە دوای رژێمەکانی عیراقەوە ئەنجام درابێ عەبادی پەروەردەی دەستی ئینگلیزەکان و بەریتانیا، ڕووی تاوان بارانی سەرانی یەک لە دوای یەکی عیراق یان سپی کردووە و پەلاماری هەرێمی کوردستانیان داو دەیان پێشمەرگەیان شەهید و بریندار کرد، بە چەک و تانک و زرێ پۆش و هەمەڕی ئەمریکی پەلاماری کەرکوک و داقوقیان داو سەدان خانویان له دوز خورماتو لەگەڵ خاک تەخت کرد، مزگەوت و نەخۆشخانە و جێگا پیروزەکانیان وێران کرد و ڕوی تاوان بارانی مێژوویان سپی کردەوە.
دوای چوار ساڵ عەبادی مجریم به سەرکەوتن قارەمانێتی بۆ خۆی وەسفی ئەکات، بۆیە ئێمەش وەبیریان ئەهێنینەوە ئەو ڕژێمانەی پێش ئەوان سەرۆکەکانی عیڕاق چیان بەسەر هاتوە، چارەنوسی عەبادی و ئەوانەی وەک ئەو مجریمەش چارەنوسیان لەوان باشتر نابێت هەر بۆیە خەڵکی عێراق سزای عەبادیان دا، چون سیاسەتی کوشتن و بڕینیان ڕەد کردەوە، خەڵکی عێراق ساڵەهای ساڵە تینوی ئازادی و دیموکراتی و پێکەوە ژیانی سیاسین نەک بەکارهێنانی هێز بۆ شەڕو کوشتار.
من پیشتریش باسم کردوە نەئەبوو تاوانبارێک کە دەستی به خوێنی کورد سوره به تایبەتی مجریمێکی وەک عەبادی له دوای تاوانەکان، ڕێگای بدرێ برینەکان کە ساڕێژ نەبووە بیکولێنێتەوە، مێژوو بۆ سەدانی وەک عبادی سەلماندووە، هەر کاروانێک بۆ ئازادی بڕوانێ کەم بن یان زۆر هەر دەگەن بەخۆر، مێژووش لەسەرەنوێلکی مێژوودا فڕێیان دەدات.
محەمەد حاجی مەحمود
۱۷/۱٠/۲٠۲۱
هەولێر