دەروازەی نێودەوڵەتی حاجی ئۆمەران ڕایدەگەیەنێت" ئەو هاوڵاتییانەی دەیانەوێت لە رێگای دەروازەکەوە گەشتی ئێران بکەن،پێویستە جگە لە بروانامەی پشکنینی کۆرۆنا (ئەنجامی نێگەتیف) کارتی (ڤاکسینی کۆرۆنا کۆڤید - ١٩) یشی پێبێت".
راگەیاندن و پەیوەندییەكانی دەروازەی نێودەوڵەتی حاجی ئۆمەران لە ڕاگەیەندراوێکدا ئاگاداری هاووڵاتیان و گەشتیارانی هەرێمی كوردستان دەكاتەوە، ئەوانەی کە بە نیازن لە ڕێگەی دەروازەی نێودەوڵەتی حاجی ئۆمەرانەوە گەشت و سەردانی کۆماری ئیسلامی ئێران بکەن پێویستە جگە لە بروانامەی پشکنینی کۆرۆنا (ئەنجامی نێگەتیف)، کارتی (ڤاکسینی کۆرۆنا کۆڤید - ١٩) یش لەگەلیان دابێت.
ڕوونیشیکردەوە: هەر هاوولاتی یان گەشتیارێک هەردوو ( بروانامەی پشکنینی کۆرۆنا و کارتی ڤاکسینی کۆرۆنا )ی لە گەلدا نەبێت دەولەتی ئێران ڕێگایان پێنادات سەردانی ئێران بکەن و دەگەڕێندرێنەوە.
ئاماژەی بەوەشداوە، تا هاووڵاتیانی خۆشەویست تووشی گرفت و زەحمەتی ڕێگا نەبن، داوا لە هەموو گەشتیارە بەڕێزەكان دەكەین بە بێ هەبوونی بڕوانامەی پشكنینی كۆرۆنا بە مەبەستی چوون بۆ وڵاتی ئێران سەردانی دەروازەی نێودەوڵەتی حاجی ئۆمەران نەكەن چونكە ڕێگایان پێنادرێت.