پاش گرانبوونی نرخی بەنزین لە هەرێمی كوردستان، شارەزایەكی ژمێریاری بواری نەوت كەمپینێك دژ بە زیادكردنی نرخی بەنزین رادەگەیەنێت‌و داواكار هاونیشتمانیان واژۆی ئەو كەمیپنە بكەن.

دەقی راگەیەنراوی كەمپینەكە:

بۆ سەرجەم کەناڵە راگەیاندنەکان و رۆژنامە نووسان و چالاکانی مەدەنی
بابەت / راگەیاندنی کەمپین
سەرجەم کەناڵەکانی راگەیاندن و چالاکوانانی مەدەنی ئاگادار دەکەینەوە کە رێکەوتی ٨/٧/٢٠١٤ کەمپێنێکی سەرتاسەری رادەگەیەنین بەمەبەستی رەتکردنەوەی زیادکردنی نرخی بەنزین لەسەر هاونیشتیمانیان و گرتنە بەری رێکارە مەدەنییەکان بۆ رەتکردنەوەی ئەو بڕیارە ، هەرچەندە دەبوو کۆبوونەوەی پەرلەمان تایبەت بوایە بەچارەسەر کردنی قەیرانەکان و کەمکردنەوەی لۆدی بانزین خانەکان بەچارەسەرێکی زانستیانە و گونجاو ، بەڵام پەرلەمان نەک هەر کێشەکەی چارەسەر نەکرد بەڵکو بووە هۆکاری بارگرانی بەسەر هاونیشتیمانیانەوە ، ئێمە هەر زوو هوشیاریمان دا لەوەی ئەم قەیرانە درووستکراوە و بەرنامە دارێژراوە بۆ گرانکردنی بەنزین ، ئەوەی تێبینی دەکرێت ئەوەیە ئەم بریارە بۆ دوومانگە لە ئەگەری بەردەوام بوونی ئەم دۆغە نەخوازراوەدا یان هاتنەکایەی هەر دۆخێکی تری ئاڵۆز نرخی بەنزین زیاتر بەرز دەکرێتەوە و دەخلی هاونیشتیمانیانیش جێگیرە و بە دوومانگ تا سێ مانگ جارێک مووچە وەر دەگرێت ئەمەش کاریگەری راستەو خۆی هەیە لەسەر بژێوی هاونیشتیمانیان ، دەمانەوێت بەهاوکاری هەمووان هەوڵی زیادکردنی نرخی بەنزین رابگرین و حکومەت چارەسەری گونجاوتر بۆ رێگری لە قەیرانەکان بگرێتە بەر .
هەر بۆیە دەمانەوێت لە دەستپێکی هەنگاوەکانماندا بەشێوەی ئەلیکترۆنی و تا رێکەوتی ١٣/٧/٢٠١٤ بەشێوەی ئەلیکترۆنی بەردەوامی بە کەمپینەکە دەدەین پاش ئەم بەروارە کەمپینەکە دەهێنینە سەر جادە و لەسەرجەم شار و شارۆچکەکانی هەرێمی کوردستان دەست دەکەین بە هەڵمەتی واژوو کۆکردنەوە تا ئەو ساتەی حکومەت ناچار دەبێت بەگەڕاندنەوەی نرخ بۆ باری ئاسایی خۆی لەسەر هەنگاوە مەدەنیەکان بەردەوام دەبین .

لینکی پرکردنەوەی فۆرمی کەمپین بۆ بەشدار بوون

https://docs.google.com/forms/d/1eFUuhNttBRoGGRIA8SO3fognFXhs3-BGAdziBKfzPyM/viewform

ئارام قادر
شارەزای ژمێریاری نەوت
بەرپرسی کەمپین