وەزارەتی دەرەوەی روسیا رایگەیاند "کێشەی کۆچبەرانی سنوری بیلاڕوسیا و پۆڵەندا کێشەی رۆژئاوایە و پێویستە چارەسەر بکرێت".
ئەمڕۆ سێشمەممە ٩ی تشرینی دووەمی ٢٠٢١ ماریا زاخارۆڤا وتەبێژی وەزارەتی دەرەوەی روسیا لە تۆڕی کۆمەڵایەتی تویتەرڕایگەیاند ''بەرپرسیارێتی قەیرانی کۆچبەرانی سنوری بیلاڕوسیا و پۆڵەندا لە ئەستۆی وڵاتانی رۆژئاوادایە، بەهۆکاری ئەوانەوەیە کە لە رۆژهەڵاتی ناوەڕاست قەیران دروستبووە".
ئەوەشی خستوەتەڕوو، "پێویستە وڵاتانی رۆژئاوا گرفتەکە بەپێی یاسا نێودەوڵەتییەکانی مافی مرۆڤ چارەسەر بکەن."
خراپی و نالەباری ژیانی هاوڵاتیان و ناسەقامگیری سیاسی و ئەمنی و ئابوری و نەبوونی ھەلی کار و خزمەتگوزاریە سەرەتایەکان ژمارەیەکی زۆر لە هاوڵاتیانی و گەنجانی کورد روویان لە وڵاتی بیلاڕوسیا کردووە بە ئامانجی ئەوەی بگەنە واڵاتانی ئەوروپا.