تەندروستی عێراق ئامارێکی نوێی کۆرۆنای بڵاوکردەوە و بەپێی ئامارەکە زیاتر لە ٥٠٠ کەسی تر تووشی پەتای کۆرۆنا بوون.
وەزارەتی تەندروستی و ژینگەی عیراق لە ڕاگەیەندراوێکدا بڵاویکردەوە، لە ماوەی ٢٤ کاتژمێری رابردوو ٥٩١ حاڵه‌تی نوێی تووشبوون به ڤایرۆسی كۆرۆنا ده‌ستنیشانكراوە، هەروەها ١٢ حاڵەتی گیان لەدەستدان تۆمارکرا و هەزار و ٣٧٥ تووشبووی ڤایرۆسی کۆرۆناش چاکبونەتەوە.
لەسەرەتای بڵاوبوونەوەی پەتای کۆرۆنا لە عێراق تائێستا كۆی توشبوون بە كۆرۆنا گەیشتۆتە دوو ملیۆن و ٦٨ هەزار و ٣٨٨ كەس و لەوانە ٢٣ هەزار و ٤٨٣ كەسیان گیانیان لەدەستداوە و دوو ملیۆن و ٢٣ هەزار و ٦٨٣ كەسیان چاكبونەتەوە.