دابەشکردنی مووچەی فەرمانبەرانی هەرێم بەشێوەیەکی زۆر خاو بەردەوامی هەیە و بڕیارە سبەینێش تەنها مووچەی یەک وەزارەت دابەشبکرێت.
سەرچاوەیەکی ئاگادار لە وەزارەتی دارایی و ئابووری حکومەتی هەرێم رایگەیاند" سبەینێ چوارشەممە مووچەی مانگی تشرینی دووەمی (وەزارەتی ڕۆشنبیری و لاوان) بەهەمان میكانیزمی مانگەکانی ڕابردوو بەبێ لێبڕین دابەشدەكرێت".
نزیکەی (٢٠) ڕۆژە دارایی هەرێم دەستی بەدابەشکردنی مووچەی فەرمانبەران کردوە، بەڵام لە ئێستادا بەشێک لە مووچەخۆران مووچەیان وەرنەرگرتووە و حکومەتی هەرێم چاوەڕێی ناردنی (٢٠٠) ملیار دینارەکەی بەغداد دەكات.