لەگەڵ کۆتایی هێنان بە پاشەکشەی هێزە سەربازیە شەڕکەرەکانی ئەمەریکا لە عێراق، موقتەدا سەدر براوەی یەکەمی هەڵبژاردنەکان داوا دەکات بنکە سەربازییەکانی ئەمەریکا رادەستی هێزە عێراقییەکان بکرێت و جموجوڵی ئەو هێزانەی دەشمێننەوە لە ژێر فەرمانی هێزە عێراقییەکاندا بێت.
دەقی داواکارییەکانی موقتەدا سەدر سەرۆکی رەوتی سەدر:
موقتەدا سەدر لە بەیاننامەیەكدا داوا دەکات:
كۆتایی هاتنی ئەركی جەنگییانەی هێزە سەربازییە نێودەوڵەتییەكان پێویستی بەمانەیە:
- داوایەكی یاسایی رەسمی رەوانەی ئەنجومەنی ئاسایش بكرێت بۆئەوەی پەسەندی بكات.
- دیاریكردنی بنكەكانو چۆڵكردنی بنكە سەربازییەكان و رادەستكردنەوەیان تەنها بە سوپای عێراق.
- دیاریكردنی ئەركەكان بە لیستێك و پێویستە پابەندبن پێوەی و پێشێل نەكرێت.
- دیاریكردنی ژمارەی ئەوانەی دەمێننەوە لەسەر خاكی عێراق و بەپێی پێویست بۆ هەر بوارێك.
- جموجوڵی ئەوانەی دەمێننەوە لەناو عێراق و بۆ دەرەوە دەبێت بەگوێرەی یاسا كارپێكراوەكانی عێراق بێت.
- حكومەتی عێراق بە تەنها ئەركی پشتگیری لۆجیستی و ئەمنیی لە ئەستۆدەگرێت‌و هیچ لایەنێكی دەرەكی مافی ئەوەی نیە دەستوەردان بكات.
- رێزگرتن لە بواری ئاسمانی عێراق‌و بەكارنەهێنانی بەبێ رەزامەندی حكومەتی عێراق.
- عێراق دەوڵەتێكی خاوەن سەروەریی تەواوەتییەو هەر رێككەوتنێك ئەوە تێپەڕێنێت بە هەڵوەشاوە دادەنرێت.
- ئەم هەنگاوە پێشەكییەك دەبێت بۆ كۆتاییهێنان بە بونی بیانی لە داهاتوودا لە نێوشیاندا راوێژكاران‌و ئەوانی تر.
- بوونی هەر هێزێكی سەربازی‌و ئەمنیی لەناو باڵیۆزخانەی ئەمریكادا قەدەغەیەو هێزە عێراقییە رەسمییەكان ئەو كارە لە ئەستۆدەگرن.
- نوێنەرایەتی دیپلۆماتی نێوان هەردوو وڵات دەبێت هاوسەنگ بێت‌و بە گوێرەی بنەما دیپلۆماتییەكان بێت كە لە وڵاتان كاری پێدەكرێت.
- لەسەر سەرۆكی ئەنجومەنی وەزیران پێویستە ئەوە جێبەجێ بكات بۆئەوەی ببێتە كۆتاییهاتنی پراكتیكی داگیركارکاریی.