نوێترین ژمارەی گۆڤاری سپی میدیا كە چەندین بابەتی جۆراوجۆری سیاسی‌و كۆمەڵایەتی لەخۆ دەگرێت، ئێستا لەكتێبخانەكانی هەرێمی كوردستاندایە.

لەم ژمارەی سپی میدیادا چەندین بابەتی گرنگ دەخوێنیتەوە، وەك:

-    لە راپۆرتێكدا سپی میدیا بودجە‌و موچەی تۆڕی میدیایی رووداو ئاشكرا دەكات كە بەپێی ئەو راپۆرتە موچەی بەڕێوەبەری رووداو لەموچەی سەرۆكی حكومەتی هەرێمی زیاترە.

-    "نەوشیروان مستەفا بۆ بێدەنگە" ناوی راپۆرتێكە لەسەر بێدەنگی ئەم چەند مانگەی رێكخەری گشتی بزوتنەوەی گۆڕان لەبەرامبەر پرسە گرنگەكانی كوردستان.

-    گفتوگۆیەك لەگەڵ عوسمان ئۆجەلان‌و قسەكردن لەسەر دۆزی كورد لە باكور‌و رۆژئاوا‌و داخوازییەكانی بۆ دروستكردنەوەی پەیوەندی لەگەڵ پەكەكە.

-    كەركوك‌و دۆخی كورد لەو پارێزگایە لەپاش هێرشی داعش، تەوەری گفتوگۆیەك لەگەڵ ئاوات محەمەد، ئەندامی ئەنجومەنی پارێزگای كەركوك.

-    دوو بابەتی گرنگ‌و نێودەوڵەتی لەسەر داعش‌و بەرنامە‌و داهاتووی ئەم گروپە لەعێراق.

-    راپۆرتێكی شیكاریی لەسەر سەربەخۆیی كوردستان لەئامادەكردنی محەمەد رەئوف.

-    وتارێكی د. سەردار عەزیز، سەبارەت بە دین‌و دەوڵەت‌و كۆمەڵگای دینی دەخوێنێتەوە.

-    .. چەندین بابەت‌و وتاری گرنگی دیكە.

گۆڤاری سپی میدیا لەلایەن دەزگای راگەیاندنی سپی مانگانە چاپ‌و بڵاودەبێتەوە.