ئەمڕۆ دەست بە دابەشكردنی پاڵپشتی دارایی خوێندكارانی زانكۆ بۆ مانگی نیسان كراوە و هەوڵ دەدرێت دوو مانگی دیكەشیان پێكەوە بدرێت.
د.كامەران یونس، سەرۆكی زانكۆی سەڵاحەدین لە راگەیەنراوێكدا رایگەیاندووە "ئەمڕۆ دەست بە دابەشكردنی پارەی پاڵپشتی دارایی قوتابیان و زانكۆ كراوە و كە بۆ قوتابیانی ناوشار 40 هەزار دینارە و بۆ قوتابیانی دەرەوەی شاریش 60 هەزار دینارە".
ناوبراو ئاماژەی بەوەكردووە "ئەم دابەشكردنی ئەم پارەیە بۆ مانگی نیسانە و هەوڵیش دەدەین مانگەكانی پێنج و شەشیش دابین بكەین".
لە سەرەتای ئەمساڵدا وەزارەتی دارایی نووسراوێكی بۆ وەزارەتی خوێندنی باڵا و توێژنەوەی زانستی دەركرد و رایگەیاند كە بە پاڵپشتیی بڕیاری ئەنجوومەنی وەزیران، بڕی 40 هەزار دینار مانگانە وەك پاڵپشتی بۆ قوتابییانی ناوشار، ئەوانەی لە زانكۆلاین وەرگیراون و 60 هەزار دیناریش بۆ دەرەوەی شار خەرج بكرێ.