ئیمام بۆ مردنی ساڵح وێنەی پرۆفایلی پەیجەتایبەتەكەی لە تۆڕی كۆمەڵایەتی فەیس بووك دەگۆڕێت بۆ وێنەیەكی هەردووكیان و دڵتەنگی خۆی بۆ كۆچی ئەو هاوڕێییەی دەردەبڕێت.

چەند كەسێكی نزیك لەو هونەرمەندە ئاماژە بەوە دەكەن كە ئیمام لەگەڵ زانینی هەواڵی كۆچی دوایی سەعید ساڵح بۆ ماوەیەكی زۆر گریاوە و خەم دایگرتووە و بڕیاریداوە بۆ پرسەكەی بگەڕێتەوە قاهیرە.

چەند ڕۆژێك بەرلەئێستاش كاتێك ساڵح بەهۆی تێكچونی باری تەندروستییەوە ڕەوانەی نەخۆشخانە دەكرێت، عادل ئیمام دەستدەكات بە گریان و بۆ ماوەی 4 كاتژمێر وێنەگرتن لە كارەنوێكەیدا ڕادەگرێت.

عادل ئیمام و سەعید ساڵح هاوڕێیەتییەكی دێرینیان هەیە و لە چەندین كاری سینەمایی و شانۆیدا پێكەوە ڕۆڵیان بینیوە، كە بەناوبانگترینیان فیلمەكانی (سلام یا صاحبی، الهلفوت، علی باب الوزیر) و چەندین فیلمی دیكە،  هەروەها بەناوبانگترین كارە شانۆییەكانیشیان (العیال كبرت) هەروەها (مدرسە المشاغبین) كە بۆ ماوەی شەش ساڵ لە نمایشكردن بەردەوام بوو.

 ڕۆژی 2/8 ئەكتەری بەناوبانگی میسری سەعید ساڵح دوای بەشداری كردن لە 500 فیلم 300 كاری شانۆی لە تەمەنی 76 ساڵیدا كۆچی دوای كرد.