وەزارەتی سامانە سروشتییەكانی هەرێمی كوردستان بڕیاریدا رۆژانە سێ تا سێ ملیۆن و نیو لیتر بەنزین دابین بكرێت بە كوالێتی و مواسەفاتێكی باش.
وەزارەتی سامانە سروشتییەكانی حكومەتی هەرێم رایگەیاندوە، بەمەبەستی جێبەجێكردنی بڕیارو راسپاردەكانی سەرۆك وەزیرانی كوردستان، كەمال محەمەد ساڵح، وەزیری كارەبا و وەزیری سامانە سروشتیەكان سەرپەرشتی كۆبوونەوەیەكی فراوانی كرد و بڕیاردرا رۆژانە سێ تا سێ ملیۆن و نیو لیتر بەنزین دابین بكرێت بە كوالێتی و مواسەفاتێكی باش.
هەر بەپێی راگەیەنراوەكە، تەوەرێكی كۆبوونەوەكە تایبەت بوو بە پاڵپشتیكردنی كەرتی گواستنەوەی گشتی بۆ ئەم مەبەستەش وەزارەت بەنرخێكی پاڵپشتیكراو بەردەوام دەبێت بۆ دابینكردنی بەنزینی ٦٩٠ دیناریی.