فه‌رمانگه‌ی میدیا و زانیاری حكومه‌تی هه‌رێمی كوردستان، رایگەیاند " وەزارەتی کارەبا رۆژانە ١٦ کاتژمێر و نیو کارەبای نیشتمانی بۆ هاووڵاتییان دابین دەکرێت."
لە راگەیەندراوێکدا فه‌رمانگه‌ی میدیا و زانیاری حكومه‌تی هه‌رێمی كوردستان، دەڵێت " سێکتەری کارەبا، لە رێگەی وەزارەتی سامانە سروشتییەکانەوە توانیویه‌تی بڕێکی زۆر گازوایل بۆ وێستگەکانی کارەبا دابین بکات."
فه‌رمانگه‌ی میدیا و زانیاری راشیگه‌یاند" بەپێی داتاکانی وەزارەتی کارەبا، حکومەتی هەرێم رۆژانە 16 کاتژمێر و نیو کارەبای نیشتمانی بۆ هاووڵاتییان ده‌سته‌به‌ر ده‌كات".
له راگه‌یه‌ندراوه‌كەی فەرمانگەی میدیا و زانیاری هاتووشە" بەشێوەیەکی گشتی لە ماوەی سێ ساڵی رابردوودا ٧٩٢ ملیۆن و ٦٥٥ هەزار و ٨٥٥ لیتر گازوایل بۆ وێستگەکانی کارەبا، به بەهای ٤٦٩ ملیار دینار تەرخانکراوە".