پسپۆرێکی کەشوهەوا هۆشداری دەدات لە روودانی کارەساتێکی کەشوهەوا لە عێراق و ناوچەکە.
سادق عەتیە کەشناسی ناسراوی عێراقی لە راگەیاندنێکدا دەڵێت" راستە لەسەرتاسەری جیهاندا پلەکانی گەرما بەشێوەیەکی نائاسایی بەرزبۆتەوە، بەڵام وڵاتانی عێراق و کویت و رۆژئاوای ئێران، بەشێوەیەکی بەرچاو بەرزبۆتەوەو پێوەری ساڵانەی خۆی تێپەڕاندووەو ئەمەش زۆر مەترسیدارە".
ئەو پسپۆرە دەشڵێت" پێویستە لیژنەی تایبەت لەسەر ئاستی ئەو وڵاتانە دروستبکرێت و ، گرفتەکان دیاریبکرێن و چارەسەریان بۆ دابنرێت تا بۆ ساڵانی ئایندە ئەو کاریگەریانە کەمبکرێتەوەو نەهێلێن لەوە زیاتر پلەکان بەرزببنەوە".
ئەو دەڵێت " هەرچەندە کەشوهەوای وڵاتمان لە هاویندا گەرمە، بەڵام بەرزبوونەوەی پلەی گەرما بەم شێوەیەیە پەیوەندی بە گۆڕانکاری کەشوهەواو ژینگەوە هەیە".
هەروەها ئاماژە بۆ ئەوە دەکات کە چێرەسەر لە رێگای پلانێکی ژینگەیی و کەمکردنەوەی مناڵ لە دایکبوون.
سادق عەتیە دەڵێت" نەبوونی پلانێکی لەو جۆرە، دۆخەکە لە ساڵانی ئایدەدا خراپتر دەبێت و پلەی گەرما بەرزتردەبێتەوە".