ژمارەیەك چالاكوانان‌و راگەیاندنكاری جاجیاوا لە بەیاننامەیەكدا ئیدانەی ئەو "دەستدرێژییە" دەكەن كە بەڕێوەبەری ئاسایشی حاجیاوا چەند رۆژ لەوەپێش كردویەتییە سەر چالاكوانێكی مەدەنی.

لەو بەیاننامەیەدا كە وێنەیەكی بۆ سپی میدیا نێردراوە، هاتووە: رۆژیی 8/8/2014 لە كۆبونەوەیەكدا بە بەشداریی چالاكوانان و بەشێك لە كەناڵەكانی راگەیاندن و بەرپرسانیی ئیداریی و ئەمنی شارۆچكەی حاجیاوا و نوێنەری سەرپەرشتیاریی ئیدارەیی راپەڕین, لە هۆڵی پرسەی دابان كەبەشێك لە ئاوارەركانی لێ‌ جێگیر كراون, بەڕێوەبەری ئاسایشی حاجیاوا بێ‌ بوونی هیچ كێشە و گرفتێك لەبەر چاوی بەرپرسانی ئامادەبوو خەڵكێكی زۆر هەڵدەكوتێتە سەر فۆتۆگرافەر و چالاكوانێكی ڕێكخستنی كامپینی كۆمەك كۆكردنەوەكە بەناوی (شێركۆ عبداللە حسێن ئاڵەی) دوایی لێدانی كامیراكەشی لێ‌ دەستێنێ‌ .

دەقی بەیاننامەكە:

بەیان نامەی چالاكوانان و راگەیاندنكارانی حاجیاوا لەدژی دەست درێژی  بە ڕێوەبەری ئاسایشی حاجیاوا بۆسەر چالاكوانێكی مەدەنی
لەچەند رۆژی رابردوودا بەهۆیی تێكچوونی دۆخی ئەمنی ناوچەكانیان, بەسەدان خێزانی كامپی مەخموور  و ناوچەكانی نیزك شەڕ, وەك باقی شار و شارۆچكەكانی  تر روویان لەشارۆچكەی حاجیاواش كردووە. لێرەش بە هۆیی هەستكردن بە بەرپرسیاریەتی چالاكوانان و رۆژنامەنوسانی و خەڵكی شارۆچكەی حاجیاوا كامپینێكیان بۆ كۆكردنەوەی كۆمەك و هاوكاری بۆماڵە ئاوارەكان ڕێكخستووە..,
رۆژیی 8/8/2014 لە كۆبونەوەیەكدا بە بەشداریی چالاكوانان و بەشێك لە كەناڵەكانی راگەیاندن و بەرپرسانیی ئیداریی و ئەمنی شارۆچكەی حاجیاوا و نوێنەری سەرپەرشتیاریی ئیدارەیی راپەڕین, لە هۆڵی پرسەی دابان كەبەشێك لە ئاوارەركانی لێ‌ جێگیر كراون, بەڕێوەبەری ئاسایشی حاجیاوا(رائید: ش. ا) بێ‌ بوونی هیچ كێشە و گرفتێك لەبەر چاوی بەرپرسانی ئامادەبوو خەڵكێكی زۆر هەڵدەكوتێتە سەر فۆتۆگرافەر و چالاكوانێكی ڕێكخستنی كامپینی كۆمەك كۆكردنەوەكە بەناوی (شێركۆ عبداللە حسێن ئاڵەی) دوایی لێدانی كامیراكەشی لێ‌ دەستێنێ‌ ..,
ئەم هەڵوێسەتی بەڕێوەبەری ئاسایشی حاجیاوا, جگە لەوەی لە روویی پیشەیەوە كارێكی نائەخلاقیە و دەست درێژیشە بۆسەر پاراستنی كەرامەتی گشتی, چونكە بەڕێوەبەری ئاسایش بەرپرسیارە لە پاراستنی سەر و ماڵی هاوڵاتیان, نەك خۆی ببێتە هەڕەشە بۆسەر ژیانی گشتی و مەدەنی..
ئێمە وەك چالاكوانان و رۆژنامەنوسانی شارۆچكەی حاجیاوا بەڕەچاوكردنی دۆخی ئێستایی كوردستان و ئەو شەڵەژانەی لە دۆخی گشتیدا هەیە, لەڕێگەی ئەم بەیان نامەیەو ناڕەزایی خۆمان دەگەیەنینە گوێی دەسەڵات و دەزگا و دامەزراوە مەدەنیەكانی تایبەت مەند بە پاراستنی رۆژنامەنوسان و چالاكوانانی مەدەنی, و ئیدانەی ئەو دەست درێژیەدەكەن. بەهیواین بەڕێوەبەریەتی گشتی ئاسایشی راپەڕین و وەزارەتی ناوخۆ بەئیجرائاتی یاسایی خۆی هەستێت بەرامبەر بەو كارمەندەی و لێپێچینەوەی جدی بكات, دەنا ئێمە لە ئایندەدا و دوایی ئاسایی بونەوەی دۆخی گشتی هەڵویستی جدی ترمان دەبێت و هەروا لێناگەڕێین خەڵكانێك بە هۆ و بێ‌ هۆ هەڵكوتنە سەر كەرامەتی گشتی و  هەڕەشبن لە سەر ئەمنیەتی هاوشاریانمان...
                     لەگەڵ ڕیزماندا
جەبار عەزیز             رۆژنامەنوس و چالاكوانی مەدەنی      07702118139
نەجمەدین عەلی        چالاكوان
عەلی عەبدوڵا           پارێزەر و چالاكوانی مەدەنی
پشتیوان  عەزیز                پارێزەر
ئاكام عەزیز              چالاكوانی مەدەنی
بارزان ئەنوەر             چالاكوانی مەدەنی
سامان عومەر              رۆژنامەنوس و چالاكوانی مەدەنی
ئەیوب ستار              چالاكوانی مەدەنی
راوچی حەسەن         چالاكوان  
هەردی حەسەن       پەیامنێری خەندان
محمەد مستەفا      ئاژانسی هەواڵی ناو خۆ
ئاوات خدر            توێژەری كۆمەڵاتی
یادگار مامەلی       چالاكوانی مەدەنی