بەڕێوەبەرایەتی هاتوچۆی پارێزگای كەركوك رایدەگەیەنێت، سبەینێ ڕێگەی هەولێر - كەركوك بەهۆی كاری چاككردنەوە دادەخرێت.
بەڕێوەبەرایەتی هاتوچۆی پارێزگای كەركوك لە راگەیەندراوێكدا رایگەیاندووە، سبەی چوارشەممە كاتژمێر ٥:٠٠ی سەرلەبەیانی، رێگای كەركوك-هەولێر دادەخرێت بەهۆی پڕۆسەی چاككردنەوەوە.
راگەیەنراوەكە ئاماژەی بەوەكردووە "داخستنەكە لەسەر ئەو ڕێگایە دەبێت كە لە شاری هەولێرەوە بەرەو كەركوك دەڕوات، بە تایبەتی لە نزیك كۆلێژی كشتوكاڵەوە بۆ بارەگای ئۆپەراسیۆنە هاوبەشەكان".