بەڕێوەبەری گشتی بازرگانی هەرێم ڕایدەگەیەنێت" به‌شه‌خۆراكى هه‌شته‌م گه‌یشتۆته هه‌رێمى كوردستان و لەم هەفتەیەدا لە زۆربەی ناوچەكان دابەشدەكرێت".
نەوزاد شێخ كامیل بەڕێوەبەری گشتی بازرگانی لە وەزارەتی بازرگانی و پیشەسازی حكومەتی هەرێمی کوردستان ڕایگەیاند" بەشەخۆراكی هەشتەم هاتووەو لە هەولێرەوە دەست بە دابەشكردنی بەسەر بریكارەكان و هاوڵاتییاندا كراوە".
ئاماژەی بەوەشکرد، خۆراك بۆ پارێزگاكانی دیكەی هەرێمیش هاتووە، بەڵام ئەوان بەشی حەوتیان تەواونەكردوە، بۆیە هێشتا دەستیان بەدابەشكردنى نەكردوە.
ڕوونیشیکردەوە، لەم هەفتەیەشدا بەشەخۆراكی هەشتەم لە هەموو ناوچەو پارێزگاكان دابەشدەكەین و ئەو مادانەی هاتون دەدرێنە هاوڵاتییان.
وتیشی" زەیت و برنج و دۆشاوی تەماتە و فاسۆلیا و شەكر هاتوه و مادەكانی دیكەیش دەگەن و دابەشیان دەكەین".