لیستی مووچەی فەرمانبەران بۆ گەنجینەکان بە مەبەستی وردبینیکردن و دابەشکردنی مووچەی مانگی ١٠ دەستیپێکردووە.
میدیای یەکێتی ئەمڕۆ ھەینی بڵاویکردەوە "وەزارەتی دارایی و ئابووری داوای لە گەنجینەکان کردووە ئامادەکاری بکەن بۆ دەستکردن بەدابەشکردنی مووچەی مانگی ١٠".
هەروەها هاتووە " بۆ ئەو مەبەستەش ھەر لە دوێنێ پێنجشەممەوە دەستکراوە بە وەرگرتنی لیستی مووچەی وەزارەتەکان بەمەبەستی وردبینی کردنیان".
ئەو میدیایە کە زمانحاڵی حیزبی دووەمی هاوبەشی حکومەتە دەڵێت "دەبێت تا ٢٥ی ئەم مانگە سەرجەم وەزارەتەکان لیستی مووچەیان رەوانەی گەنجینەکان کردبێت بەمەبەستی وردبینی کردنی و ئەگەری زۆر ھەیە لەسەرەتای مانگی داھاتوو دەستبکرێت بە دابەشکردنی مووچە بەھەمان ئەو خشتەیەی کە چەند مانگێکە دانراوە".