دواینیوەڕۆی ئەمڕۆ پێنج شەممە تۆپخانەكانی دەوڵەتی تورکیا سنووری برادۆستی سەر بە پارێزگای هەولێر بۆردومانکرد.
بەپێی زانیارییەکان، کاتژمێر (٢:٣٠) خولەکی پاشنیوەڕۆی ئەمڕۆ تۆپخانەكانی توركیا بە چڕی تۆپبارانی ناوچەكانی (گەلی ڕەش و تارستا و کوێستانی کەمکۆڕا)ی لە سنوری برادۆست كرد.
لەبارەی زیانەكانی تۆپبارانەكەوە، تائێستا هیچ زانیارییەك بڵاونەکراوەتەوە.
دەوڵەتی تورکیا بە بیانوی هەبوونی بنکە و بارەگاکانی پارتی کرێکارانی کوردستان (پەکەکە) ناوچە سنورییەکانی هەرێم بۆردومان دەکات.