مشتومڕەکە بەردەوامە بەهۆی دوورخستنەوەی ئەستێرەی دێرین کەریم بنزیمە، هێرشبەری یانەی ڕیال مەدرید لە کەمپی هەڵبژاردەی فەرەنسا بۆ یارییەکانی مۆندیالی 2022ی قەتەر.
بەگوێرەی ڕادیۆی فەرەنسی، ڕادیۆ مۆنتی کارلۆ، لە ڕاپۆرتێکدا باس لەوە دەکات کە دیدیە دیشامپ ڕاهێنەری هەڵبژاردەی فەرەنسا لە پشت دوورخستنەوەی بنزیمە بووە لە کەمپی مۆندیالی 2022ی قەتەر.
ڕاپۆرتەکان ئاماژەیان گای ستیفان کردووە، کە یاریدەدەری ڕاهێنەر دیشامپە، کە ئاشکرایکردووە، ستافی تەکنیکی بڕیاریانداوە کەریم بنزیمە بەرەبەیانی دوای ئەو پشکنینانەی کە ئەنجامی داوە، دیپۆرتبکەنەوە بۆ مەدرید.
ڕاهێنەری هەڵبژاردەی فەرەنسا دووپاتی کردەوە کە هیچ یاریزانێکی پێکراو لە کەمپی مۆندیالدا ئامادە نەبێت بۆ ئەوەی کاریگەری لەسەر بەرنامەکەی نەبێت بۆ ئامادەکردنی تیپەکە، هەروەها بنزیما لە ماسولکەکانی ڕانیدا پێکانی بوو بۆ ئەوەی چەند ڕۆژێک پێش... یەکەم یاری بەرامبەر ئوسترالیا لە مۆندیالی ٢٠٢٢.
ئەم دوورخستنەوەیە هەستێکی زۆری بەدوای خۆیدا هێنا و چەندین نیشانەی پرسیاری لێکەوتەوە، کە بە لێدوانەکانی ڕاهێنەری هەڵبژاردەی فەرەنسا لە کۆنگرە ڕۆژنامەوانیەکانیدا، و لێدوانەکانی بنزیما لە سۆشیال میدیادا بەهێزتر بوو.
دیشامپ ڕەتیکردەوە وەڵامی پرسیاری ڕۆژنامەنووسان بداتەوە سەبارەت بە ئەگەری بوونی بنزیمە لەگەڵ هاوڕێکانی لە یاری کۆتایی بەرامبەر ئەرجەنتین کە یەکشەممەی ڕابردوو لە یاریگای لوسایل بەڕێوەچوو.
کەریم بنزیمە لە ڕێگەی هەژماری تایبەتی خۆی لە ئینستاگرام بە پەیامێک وەڵامی دایەوە و ڕایگەیاند "ئارەزوی ناکات"، بەڵام بە ڕوونی باسی لەوە نەکرد کە مەبەستی لەم کورتە پەیامە چییە و دوای 24 کاتژمێر لە دۆڕاندنی نازناوی مۆندیالی 2022ی فەرەنسا، بنزیمە سوپرایزێکی دیکەی تەقاندەوە لەلایەن... ڕاگەیاندنی وازهێنانی لە تۆپی پێی نێودەوڵەتی.