بەڕێوەبەرایەتی كەشناسی عێراق رایدەگەیەنێت، شەپۆلەكانی باران و بەفر لە تەواوی وڵاتدا تاكو هەفتەی داهاتوو بەدەوام دەبن و سبەینێش لە هەرێم بارانێكی كەم دەبارێت.
بەڕێوەبەرایەتی كەشناسی عێراق لە راگەیەندراوێكدا رایگەیاندووە، شەپۆلەكانی باران و بەفر لە تەواوی وڵاتدا تاوەكو هەفتەی داهاتوو بەدەوام دەبن، بەڵام سبەینێ ئاسمانی هەرێم لە كاتەكانی بەیانیدا نمەباران دەبارێت و لە دوانیوەڕۆدا بارانبارینەكە كەم دەبێتەوە.
راگەیەنراوەكە ئاماژەی بەوەكردووە، رۆژی شەممەش كەش و هەوای بەشیكی هەرێم باراناوی دەبێت لەگەڵ تەم لە كاتەكانی بەیانیاندا و دواتر لە كاتەكانی دوانیوەڕۆدا كەشەكە ئاسایی دەبێتەوە و لە بەشێكی دیكەی هەرێمیشدا ئاسمان ساماڵ دەبێت و پلەكانی گەرما وەك ئەمڕۆ دەمێنێننەوە.