وه‌زاره‌تی ناوخۆی عێراق ڕایدەگەیەنێت" له ماوەی ساڵی ڕابردوودا زیاتر لە ٤٨ ملیۆن به‌كارهێنه‌ری تۆڕه كۆمه‌ڵایه‌تییه‌كان هه‌بووه، کە به ڕێژه‌ی زیاتر له ١٣% زیادی كردووه".
وەزارەتی ناوخۆی عێراق ڕاگەیەندراوێکدا بڵاویکردەوە" لە ساڵی (٢٠٢٢)دا ٤٨ ملیۆن و ٤٠٠ هەزار بەكارهێنەری تۆڕە كۆمەڵایەتییەكان لە عێراق هەبووە، بەڵام لە ساڵی (٢٠٢١) ژمارەی بەكارهێنەران (٢٥) ملیۆن کەس بووە".
ڕوونیشیکردەوە، ئاستى ڕێژه‌ی به‌كارهێنه‌رانى تۆڕه كۆمه‌ڵایه‌تيیه‌كان لە ساڵى رابردوودا بەرێژەی (١٣.٤%) زیادیكردووە.
هەروەها به‌پێی ئاماره‌كه‌ی وه‌زاره‌تی ناوخۆی حکومەتی عێراق بێت، زیاتر لە ١٨ ملیۆن كه‌س فه‌یسبوك و ١٤ ملیۆن كه‌س سناپچات و ١٦ ملیۆن كه‌س تێلێگرام و ١٥ ملیۆن كه‌س ئینستاگرام و یەک ملیۆن و ٩٠٠ هەزار کەسیش تویتەری بەکارهێناوە.