نێچیرڤان بارزانی سهرۆكی ههرێمی كوردستان( ماوە بەەسەرچوو ) لە هەولێر لەگەڵ نێردەی سەرۆكی ئەمریكا بۆ كاروباری رۆژهەڵاتی نێوەڕاست و باکووری ئەفریقا کۆبووەوە و تاوتوێی دۆخی نێوخۆیی ههرێمی كوردستان و چارەسەرکردنی کێشەکان دەکەن.
ئەشەو دووشهممه ١٦ ی کانوونی دووەم، نێچیرڤان بارزانی، پێشوازی له برێت مەکگۆرک، نێردەی سەرۆكی ئەمریكا بۆ كاروباری رۆژهەڵاتی نێوەڕاست و باکووری ئەفریقا كرد كه به یاوهریی شاندێكی باڵای وڵاتهكهی سهردانی ههرێمی كوردستانیان کرد.
لە رراگەیێندراوی سەرۆکایەتیی هەرێمی کوردستان هاتووە " دوایین پێشهاته سیاسییهكانی عێراق، پهیوهندییهكانی ئهمریكا لهگهڵ عێراق و ههرێمی كوردستان، پهیوهندییهكانی ههولێر - بهغدا و گفتوگۆی چارهسهركردنی كێشهكانیان، دۆخی نێوخۆیی ههرێمی كوردستان و پرۆسهی یهكخستنی پێشمهرگهیان تاوتوێ كرد".
وەک لە راگەیێندراوەکەدا هاتووە، مهكگۆرک بهردهوامیی پشتیوانیی ئهمریكای بۆ عێراق و ههرێمی كوردستان و خواستی وڵاتهكهی بۆ برهودان به پهیوهندییهكانی لهگهڵ بهغدا و ههولێر و فراوانكردنی هاریكاریی هاوبهش له ههموو بوارهكاندا دووپاتكردهوه، بهتایبهتیش له بواری وزه و پاراستنی ئاسایشی وزهدا.
له كۆبوونهوهکەدا ئامۆس هۆكستاین، نێردهی سهرۆكایهتیی ئهمهریكا بۆ ژێرخانی جیهانی و ئاسایشی وزه و ئالینا رۆمانۆوسكی، باڵیۆزی ئهمهریكا له عێراق ئامادهی بوون.