سەركردەیەكی باڵای پارتی دیموكراتی كوردستان رایدەگەیەنێت، یەكێتی كۆدەبنەوە و چارەسەری كێشەكان دەكەن.
فازڵ میرانی، بەرپرسی دەستەی كارگێری مەكتەبی سیاسی پارتی دیموكراتی كوردستان بە (كوردستان24)ی نزیك لە مەسرور بارزانی راگەیاندووە، لەگەڵ یەكێتی نیشتمانی كوردستان كۆدەبنەوە و كێشەكان چارەسەر دەكەن.
سەبارەت بە هەڵبژاردنی پەرلەمانی كوردستانیش، میرانی روونیكردۆتەوە "پێویستە ئەمساڵ لە هەرێمی كوردستان هەڵبژاردنێكی پاك و بێگەرد بەڕێوەبچێت و هیچ بیانوویەكیش بۆ دواخستنی هەڵبژاردن قبوڵ ناكرێت، ئەوەی سەرۆك بارزانی دەیڵێت ئەوە دەكەین".
لێدوانی ئەو سەركردە باڵایەی پارتی لە كاتێكدایە دوای راگەیەنراوەكەی رۆژانی رابردووی مەسرور بارزانی، سەرۆكی حكومەتی هەرێم (ماوەبەسەرچوو) و قوباد تاڵەبانی، جێگری سەرۆكی حكومەتی هەرێم (ماوەبەسەرچوو) گرژی زیاتری تێكەوت.