لە ساڵڕۆژی جەنگی ئۆکرانیا سەرۆکی کۆمیسیۆنی ئەوروپا ڕایدەگەیەنێت" بەردەوام دەبین لە چەسپاندنی سزای زیاتر بەسەر رووسیا".
ئۆرسێلا ڤۆندێرلاین سەرۆکی کۆمیسیۆنی ئەوروپا، ئەمڕۆ هەینی لە ساڵیادی شەڕی ئۆکرانیا پەیامێکی ڤیدیۆی بڵاوکردەوە و رایگەیاند" ساڵێک لە دەستدرێژی دڕندانەی رووسیا، ساڵێک لە بەرگری و بەرخۆدانی ئۆکرانییەکان، ساڵێک یەکگرتووی وڵاتانی ئەوروپا و ساڵێک شەڕکردن لەپێناو ئازادی و دیموکراسی".
هەر لە پەیامەکەیدا سەرۆکی کۆمیسیۆنی ئەوروپا جەختیکردەەوە، بەردەوام دەبن لە چەسپاندنی سزای زیاتر بەسەر رووسیا و هاوکاری زیاتری ئۆکرانیا دەکەن لە رووی سەربازی و ئابوورییەوە.
هەر ئەمڕۆ وەک پشتگیری و رێزگرتن لە قوربیانیانی جەنگەکە و هاوڵاتییانی ئۆکرانیا لە سەرجەم دام و دەزگاکانی یەکێتی ئەوروپا ئاڵای ئەو وڵاتە هەڵکرا.
لە سەرەتای دەستپێکی جەنگی نێوان رووسیا و ئۆکرانیا زیاتر لە حهوت هەزار هاوڵاتی مەدەنی ئۆکرانیا گیانیان لەدەستداوە و ١٢ هەزار کەسی دیکەش برینداربوون، هەروەها زیاتر لە ههشت ملیۆن ئۆکرانیش ئاوارەی وڵاتانی ئەوروپا و جیهان بوون.