کەشوهەوای رۆژانی پشووی جەژنی نەورۆز راگەیەندرا
ماڵپەڕێکی جیهانی کەشوهەوا ئاماژە بۆ ئەوە دەکات لە رۆژانی نەورۆز و پشووەکانیدا لە سەرتاسەری هەرێمدا باران دەبارێت و چەند رۆژێک بەردەوام دەبێت.
ماڵپەڕی ئەکوا ویزەری جیهانی پێشبینی دەکات کە لە رۆژانی ١٩ ی مانگەوە لە زۆربەی شار و شارۆچەکانی هەرێمی کوردستان بارانبارین دەستپێدەکات و تا ٢٢ ی مانگ بەردەوام دەبێت.
ئەو ماڵپەڕە ئاماژە بۆ ئەوە دەکات کە رۆژانی ١٩ و ٢٠ و ٢١ ی ئازار باران بارین بەردەوام دەبێت.
ئەو ماڵپەڕە پێشبینی دەکات لە سلێمانی و دهۆک و هەولێر لە رۆژی ١٦ ی ئازاریشدا باران ببارێت و دوو رۆژ بەردەوام بێت.
هەرچەندە تا ئێستا وەزارەتی پەروەردە پشووی رۆژانی نەورۆز و بەهاری راگەیاندووە کە لە ١١ی ئازارەوە تا ٢٥ ی ئازار دەوام نابێت، بەلآم فەرمانبەران رانەگەیەندراوەو پێدەچێت وەک ساڵانی رابردوو سێ رۆژ بێت.
PM:11:05:10/03/2023