لەسەر ئەو ١٧٠٠ خوێندکارەی بنکەی سەربازی سپایگەر کە لەلایەن داعشەوە بەدیلی کوژران، ١٥٠ کەس بەشدارن لەو تاوانەدا.
ئەندامێکی لیژنەی ئەمنی پارێزگای سەلاحەدین رایگەیاند " ١٥٠ کەس لەکوشتنی ئەو خوێندکارانە بەشداریان کردووە و لەچەند رۆژی رابردوودا چوار لەو تۆمەتبارانە دەستگیرکراون".
خالید جەسام بە شەفەق نیوزی راگەیاندووە " زۆربەی ئەوانەی بەشداربوون لەو تاوانەدا ئێستا لە کۆشکە کۆمارییەکان و ناوچە نزیکەکانی ئەو کۆشکانەن کە لە تکریتن و لەژێڕ دەستی چەکدارانی داعشدان.
ئەو وتی " ناوی هەموو بەشداربووان لەو تاوانەدا لە لایەن هێزە ئەمنییەکانەوە ناونوس کراون و دۆزراونەتەوە".
لە دوای داگیرکردنی موسڵ لەلایەن داعشەوە، چەکدارانی ئەو هێزە لە نزیک شاری تکریت لە سەربازگەی سپایگەر ژمارەیەکی زۆر خوێندکاری ئەو سەربازگەیەیان دەستگیرکردو لەوانە ١٧٠٠ بەدیلی کوشت.