بەرەبەیانی ئەمڕۆ دەوڵەتی تورکیا سنوری قەزای شەنگالی بۆردومان کرد و زیانی گیانی لێکەوتەوە.
لەمبارەیەوە دژەتیرۆری کوردستان لە راگەیەندراوێکدا بڵاویکردەوە" بەرەبەیانی ئەمڕۆ سێشەممە فڕۆکەی بێفڕۆکەوانی سوپای تورکیا، بارەگایەکی چەکدارانی یەبەشەی لە گوندی (چوومو- خەلەف)ی سەر بە قەزای شەنگال کردە ئامانج و بەهۆیەوە سێ چەکدار کوژران".
بەیانی ئەمڕۆش هەندێک سەرچاوەی نافەرمی ئاماژەیان بەوەکرد، دەوڵەتی تورکیا بە فڕۆکەی بێفڕۆکەوان ماڵێکی لە گوندی خەلەفی سەر بە هەرێمی بارێی سنوری قەزای شەنگال بۆردومان کردووە.