بۆری ئاوی هێڵی دوکان سلێمانی کە دوو رۆژە شکاوە لە ئێستادا کارکردن تێیدا بەردەوامە ئەمشەو چاکدەکرێتەوە.
ئەمڕۆ هەینی ٢٥ی ئابی ٢٠٢٣ بەختیار تاهیر بەڕێوبەری ئاوی سلێمانی رایگەیاند: "کارکردن لە بۆری ئاوی هێڵی یەکی دوکان-سلێمانی بەردەوامە لە قۆناغی چاکردنەوەدان".
باسی لەوەشکرد، بە ئەگەری زۆرەوە ئەمشەو بۆری ئاوی هێڵی دوکان-سلێمانی چاکدەکرێتەوە لە سبەینێوە دابەشکردنی ئاو بۆ گەڕەکەکانی دەرەوەی شەقامی ٦٠ مەتری و گەڕەکی راپەڕین دەستپێدەکاتەوە.
ئاماژەی بەوەشکرد، ئەمشەو بۆری ئاوی هێڵی دوکان-سلێمانی چاکدەکرێتەوە بەڵام ناتوانرێت دابەشکردنی ئاو دەسپێبکاتەوە بەو پێیەی پێویستە شەش کاتژمێر دوای چاککردنەوەکە ئاو دابەشبکرێت.
ئەمەش لەکاتێکدایە، شەوی پێنجشەممە بەرێوەبەرایەتی ئاوی سلێمانی رایگەیاند، "بەهۆی شکانی هێڵی یەکی ئاوی دوکان - سلێمانی گەڕەکەکانی دەرەوەی شەقامی ٦٠ مەتری و گەڕەکی راپەڕین بێ ئاو دەبن و ئەگەری هەیە لە ماوەی ٢٤ کاتژمێری داهاتوو کێشەکە چارەسەر بکرێت".